Тоҷикистон ва «Шарикии глобалӣ дар соҳаи маориф»

Июль 1, 2014 09:06

Душанбе, 1.07.2014 (АМИТ “Ховар”).- Аз 25 то 28 июни соли ҷорӣ дар Брюссел Конфронси байналмилалии сатҳи баланди «Шарикии глобалӣ дар соҳаи маориф» таҳти сарпарастии ЮНЕСКО ва ЮНИСЕФ барпо гардид, ки дар кори он ҳайати расмии Ҷумҳурии Тоҷикистон таҳти сарварии вазири маориф ва илми кишвар Нуриддин Саид ҳамчун аъзои алтернативии Шӯрои директорон аз минтақаи Осиёи Марказӣ ва Аврупои Шарқии Бунёди «Шарикии глобалии таҳсилот» ширкат варзид. Дар кори чорабинии мазкур ҳамзамон Намояндаи доимии Ҷумҳурии Тоҷикистон дар Иттиҳоди Аврупо Рустамҷон Солиев ҳузур дошт. Дар чаҳорчӯби Конфронс вазирон ва намояндагони баландпояи соҳаи маориф аз тақрибан 60 кишвари ҷаҳон ва 30 ширкату ташкилоти байналмилаливу минтақавӣ, аз ҷумла намояндагони сохторҳои гуногуни Созмони Милали Муттаҳид, Комиссияи Аврупо, Мудири кулли ЮНЕСКО хонум Ирина Бокова иштирок доштанд. Вазири маориф ва илми ҷумҳурӣ Н.Саид зимни баромади худ дар Конфронс таъкид сохт, ки рушди соҳаи маориф асоси рушди кишварҳоро ташкил дода, ҷалби кӯдакон ба таҳсил ва муҳайё сохтани шароити мусоиди таълимӣ бозгӯйи рушди устувор ва сиёсати дурусти давлатҳо дар самти инкишофи иҷтимоӣ ва иқтисодӣ мебошад. Роҷеъ ба таҷрибаи Ҷумҳурии Тоҷикистон дар татбиқи лоиҳаҳои таҳти маблағгузории “Шарикии глобалии таҳсилот” амалишаванда, Н.Саид зикр намуд, ки таъсири амалишавии лоиҳаҳо дар баланд бардоштани иқтидори идоракунии соҳаи маориф, беҳтар шудани инфрасохтор, омӯзиши таҷрибаи пешрафта ва амалӣ намудани усулҳои инноватсионии таҳсилот хеле муҳим аст.

Июль 1, 2014 09:06

Хабарҳои дигари ин бахш

Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд
Таҳти унвони «Нақши Пешвои миллат дар ташаккул ва рушди фарҳанги миллӣ» конференсияи ҷумҳуриявӣ доир шуд
Бахшида ба Рӯзи Президенти Тоҷикистон дар Коллеҷи омори шаҳри Ваҳдат конференсияи ҷумҳуриявӣ доир гардид