Заминҳо бо об таъмин мешаванд

Душанбе, 21.07.2014. (АМИТ «Ховар», Манижа Баҳромзода).- Соли 2014 азхудкунии 330 гектар заминҳои нав дар Ҷумҳурии Тоҷикистон пешбинӣ карда шудааст. Ин нуктаро Ҳомид Ҳасанзода-раиси Агентии беҳдошти замин ва обёрии назди Ҳукумати кишвар зимни нишасти хабарӣ иброз дошт. Азхудкунии замини нави обёришаванда дар ноҳияҳои Тавилдара, Шуғнон, Рӯшон, Мастчоҳи кӯҳӣ, Файзобод, Варзоб ва дигар ноҳияҳо ба нақша гирифта шудааст. Ҳомид Ҳасанзода гуфт дар ВМКБ аз ҷумла дар ноҳияи Ванҷ 100 гектар, Шуғнон 60 гектар,Тавилдара 200 гектар,инчунин ноҳияи Файзобод 85 гектар,Мастчоҳи куҳӣ зиёда аз 115 гектар ва ноҳияи Варзоб зиёда аз 20 гектар заминро имсол аз худ кардаанд. Ба гуфтаи Ҳомид Ҳасанзода Агентии беҳдошти замин ва обёрї тавассути наҳрҳое,ки барои обёрии заминҳои азхудкарда сохта мешаванд, мушкилоти обро бартараф сохта,барои обтаъминкунии заминҳо тавассути ариқҳо ва шоҳариқҳо обро ба ҳамаи заминҳо баробар расонида,тақсимбандӣ мекунанд.