Қабули варзишгарон барои иштирок дар Чемпионати ҷаҳон оид ба таэквандо
Душанбе, 1.08.2014 (АМИТ “Ховар”, Фарзонаи Давлат).- Шурӯъ аз пагоҳ, 2-юми август қабули меҳмонон ва варзишгарон барои иштирок дар Чемпионати ҷаҳон байни наврасон ва собиқадорон оид ба таэквандо (ITF), ки то 11-уми августи соли равон дар шаҳри Душанбе доир мегардад, оғоз меёбад.Ҳамчунин дар назар аст, давоми рӯз семинар барои дастурдиҳандагони Чемпионат доир гардад. Семинари мазкур дар Китобхонаи миллии Тоҷикистон баргузор мешавад.Ёдрас мешавем, ки дар чемпионати мазкур дар назар аст беш аз 600 варзишгар аз 52 кишвари олам иштирок ва барои зинаҳои ифтихорӣ миёни ҳам рақобат намоянд. Тоҷикистонро дар ин чемпионат 43 варзишгар, 20 духтар ва 23 писар намояндагӣ хоҳад кард.