Қарзҳои имтиёзнок барои муҳоҷирони экологӣ

Душанбе, 27.08.2014. (АМИТ «Ховар», Лайло Тоирӣ).-    Яке аз самтҳои фаъолияти Раёсати Хадамоти муҳоҷират дар вилояти Суғд назорат ва татбиқи қарори Ҳукумати Ҷумҳурии Тоҷикистон мебошад.
Рӯзҳои  15 ва 20 августи соли ҷорӣ гурӯҳи кории бахши Хадамоти муҳоҷират дар ноҳияи Ғончӣ бо сокинони  ҷамоатҳои Росровут ва Ваҳдат корбарӣ намуд. Ҳайати гурӯҳ дар доираи сафари кории худ дар байни 15 оилаи муҳоҷири экологӣ корҳои фаҳмондадиҳӣ бурда, моҳияти қарори муташаккилона кӯчонидани муҳоҷирати экологиро шарҳ дод. Ҳамчунин аз онҳо даъват ба амал оварда шуд, ки зудтар ба ҷойҳои бехавф кӯчанд.
Ҳамин гуна мулоқот бо муҳоҷирони экологӣ дар ноҳияҳои Ҷаббор Расулов ва Шаҳристон гузаронида шуд.
Бино ба иттилои шуъбаи муносибатҳои байналмилалӣ, робита бо ҷомеа ва ҳамватанони бурунмарзии Хадамоти муҳоҷират,  муҳоҷирони экологии ин ноҳияҳо аз кумаки молиявӣ ва қарзи имтиёзноки давлатӣ баҳраманд шуданд.