Ҷаласаи 13-уми Комисияи байниҳукуматии Тоҷикистону Қирғизистон
Душанбе, 27.08.2014. (АМИТ «Ховар», Зарангези Латиф).- Рўзҳои 28-29-уми августи соли равон дар шаҳри Бишкеки Ҷумҳурии Қирғизистон ҷаласаи 13-уми Комисияи байниҳукуматии Ҷумҳурии Тоҷикистон ва Ҷумҳурии Қирғизистон оид ба ҳамкориҳои иқтисодӣ баргузор мегардад.
Ҳайати Ҳукумати Ҷумҳурии Тоҷикистон таҳти роҳбарии муовини Сарвазири мамлакат Азим Иброҳим барои иштирок дар кори ин ҷаласа имрўз ба шаҳри Бишкек сафар кард.
Гуфта мешавад, ки дар ҷаласа 14 масъалаи марбут ба ҳамкориҳои иқтисодию тиҷоратии ду давлат, аз ҷумла масъалаҳои вобаста ба тақвияти ҳамкориҳо дар соҳаҳои обу энергетика, кишоварзӣ, нақлиёту коммуникатсия ва тиҷорати наздисарҳадӣ мавриди баррасӣ мегирад.