Ҷараёни бозиҳои олимпии наврасон дар Чин

Август 19, 2014 11:02

Душанбе, 19.08.2014. (АМИТ “Ховар”, Ситораи Боймурод).-Бозиҳои дувуми тобистонаи олимпии наврасон дар Нанҷинги Чин бо ширкати беш аз 3800 варзишгар аз 204 кишвар ҷараён дорад.
Тавре ки дар ин бора Кумитаи миллии олимпии кишвар хабар додааст, баъди натиҷагирии ду рӯзи мусобиқот аз рӯи барномаи Бозиҳои дувуми тобистонаи олимпии наврасон дар Нанҷинг дар ҳисоби умумидастаӣ мунтахаби Чин бо 4 медали тилло, 1 нуқра ва 5 биринҷӣ дар мақоми аввал аст.
Мунтахаби Русия бо 4 медали тилло, 1 нуқра ва 2 биринҷӣ дар ҷойи дувум ва мунтахаби Маҷористон бо 4 медали тилло ва 2 биринҷӣ дар ҷойи севум қарор доранд. Аз рӯи ҳисоби умумии медалҳо низ Чин бо 10 нишон пешсаф мебошад.
Дар рӯзи дувуми мусобиқот — 18-уми август — аз рӯи барномаи Бозиҳои дувуми тобистонаи олимпӣ дар Нанҷинг ду варзишгари навраси тоҷик дар намудҳои дзюдо ва тирандозӣ рақобат карданд.
Фаррухи Салим, паҳлавони тоҷик, дар сабқати дзюдо дар вазни то 81 кг дар даври аввал аз Усома Маҳмуд Санусӣ аз Тунис шикаст хӯрд. Баъдан дар ду қувваозмоӣ бар Маттиас Куусик аз Эстония ва Ҷозе Басили аз Бразилия пирӯз шуд, вале дар қувваозмоии чорумаш аз Луис Криебер-Гагнон аз Канада мағлуб гашт ва дар натиҷа мақоми 9-умро касб кард. Рӯзи душанбе варзишгари дигари тоҷик Ҷаъфар Шерматов дар сабқати тирандозӣ аз таппонча ба масофаи 10 метр 60 тир холӣ кард ва 521 имтиёз ба даст овард. Вале ин натиҷа ба ӯ имкон надод, ки ба сабқати ниҳоӣ роҳ ёбад.

Август 19, 2014 11:02

Хабарҳои дигари ин бахш

Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд
Таҳти унвони «Нақши Пешвои миллат дар ташаккул ва рушди фарҳанги миллӣ» конференсияи ҷумҳуриявӣ доир шуд
Бахшида ба Рӯзи Президенти Тоҷикистон дар Коллеҷи омори шаҳри Ваҳдат конференсияи ҷумҳуриявӣ доир гардид