Ҷашни зодрӯзи булбули кӯҳистон
Хоруғ, 21.08.2014. (АМИТ («Ховар», Файз Мирасан).- Ҳунарманди халқии Чумҳурии Тоҷикистон Майсара Дилдорова 70-сола шуд. Сурудҳои Майсара Дилдорова ҳамеша ба мисли завқи ҳунарманд ҷавон мемонанду ба қавли шоир «дар рӯҳи пиру барно шавқу завқи ҷавониро фузун мекунанд».
Дар тӯли солҳои фаъолият бештар аз 200 шеъру оҳанг бо овози ин ҳунарманд ҷовидонӣ гардида, дар қалби мухлисон ҷо гирифтанд. Ҳамкории овозхон бо бастакорони барҷастаи ҷумҳурӣ, ба мисли Фозил Солеҳов, Қудратулло Яҳёев, Заррина Миршакар, Абдулло Қодиров барояш уфуқҳои баланди эҷодиро кушода, барномаашро бою рангинтар намуданд. Бо садои булбулсифаташ вай дар қатори ҳунармандони варзидаи дигар дар саҳнаҳои хориҷи кишвар санъати Тоҷикистонро муаррифӣ менамуд. Майсара Дилдорова ҳамчунин офаринандаи бештар аз сӣ нақш амсоли «Гурдофарид» дар саҳнаи театри Хоруғ аст. Нақшҳоро хеле табиӣ ва барҷаста бозӣ кардааст.
Фарзандон ҳам аз пайи ҳунари волидон рафтанд. Умед Хусравов, хатмкунандаи омӯзишгоҳи театрии шаҳри Маскав ва нахустин коргардони касбии театри Хоруғ намоишномаҳои зиёдеро ба саҳна гузоштааст, ки дар озмунҳои ҷумҳуриявӣ ва берун аз кишвар сазовори ҷоиза гардидаанд.








Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд
Таҳти унвони «Нақши Пешвои миллат дар ташаккул ва рушди фарҳанги миллӣ» конференсияи ҷумҳуриявӣ доир шуд
Бахшида ба Рӯзи Президенти Тоҷикистон дар Коллеҷи омори шаҳри Ваҳдат конференсияи ҷумҳуриявӣ доир гардид






