35 тоҷик бо кор таъмин мешавад

Душанбе, 19.08.2014. (АМИТ «Ховар», Лайло Тоирӣ).- Шуъбаи Хадамоти муҳоҷират дар Вилояти Мухтори Кӯҳистони Бадахшон барои дарёфти ҷойи кори муносиб ва маоши арзанда барои муҳоҷирони меҳнатӣ робитаи устувор ва густардаро бо ҷамъиятҳои тоҷикон дар Федератсияи Русия ба роҳ мондааст.
Бино ба иттилои Шуъбаи муносибатҳои байналмилалӣ, робита бо ҷомеа ва ҳамватанони бурунмарзии Хадамоти муҳоҷирати Вазорати меҳнат, муҳоҷират ва шуғли аҳолӣ, карор аст рўзҳои наздик 35 нафар мутахассиси соҳаи сохтмон, роҳсозӣ, алалхусус автогрейдерҳо, ронандагон, деворгарон, андовачиён, кормандони муассисаҳои хӯроки умумӣ мутобиқи шартномаи тарафайн дар Осетияи шимолӣ бо кор таъмин шаванд.
Мутобиқи шартнома корҷӯён бо ҷойи хоб, хўроки севақта ва хароҷоти роҳкиро аз ҳисоби кордиҳанда таъмин мегарданд.