90-солагии Душанберо кай таҷлил менамоянд?

Душанбе, 18.08.2014.(АМИТ «Ховар», Марзия Саидзода).- Ҳафтаи охири моҳи октябри соли равон  90-солагии Душанбе ҳамчун пойтахти Ҷумҳурии Тоҷикистон дар сатҳи баланд таҷлил мешавад. Дар иртибот ба ин аз ҷониби раиси шаҳри Душанбе Маҳмадсаид Убайдуллоев санаи баргузории тантанаҳои ҷашни 90-солагии пойтахт мушаххас карда шуд. Тибқи он рӯзҳои  25 ва 26 — уми октябр тантанаҳо  дар сатҳи шаҳраку маҳаллаҳо, 28-29-уми октябр Рӯзҳои фарҳанги бародаршаҳри Душанбе —  Санкт — Петербурги Русия доир мегарданд.
    Инчунин 30 октябр дар Душанбе ҷаласаи тантанавӣ ба ифтихори 90-солагии пойтахт ва 31 октябр ҷаласаи умумии Ассамблеяи байналмилалии пойтахтҳо ва бузургшаҳрҳо гузаронида шуда, 1-уми ноябр меҳмонон ва сокинони пойтахтро дар Боғи Наврӯзгоҳ  базми идона ба ифтихори  ҷашни 90-солагии Душанбе интизор аст.