Аз рӯи афзоиши ҳаҷми ММД Тоҷикистон дар ҷойи сеюм аст
Душанбе, 8.08.2014. (АМИТ «Ховар», Мавҷуда Анварӣ).- Кумитаи байнидавлатии омори Иттиҳоди Давлатҳои Мустақил рушди кишварҳои аъзоро натиҷагирӣ кард. Аз рӯи афзоиши ҳаҷми Маҷмӯи маҳсулоти дохилӣ Тоҷикистон бо натиҷаи 6,7% дар ҷойи сеюм аст. Ба ҳисоби миёна дар кишварҳои иттиҳод ҳаҷми истеҳсоли маҳсулоти саноатӣ тайи моҳҳои январ — июли соли равон 0,7% ва боркашонӣ 1,4% афзудааст. Аз рӯи суръати афзоиши Маҷмӯи маҳсулоти дохилӣ Туркманистон дар ҷойи аввал мебошад.