Ба истифодадиҳии 20 бинои истиқоматӣ то ҷашни Истиқлол

Душанбе, 08.08.2014.(АМИТ “Ховар”, Марзия Саидзода).-Дар остонаи ҷашни Истиқлолияти давлатии Ҷумҳурии Тоҷикистон дар Душанбе маҷмӯи иншоотҳои ҷашнӣ ба маблағи беш аз 720 миллион сомонӣ мавриди истифода қарор дода мешаванд.  Бояд тазаккур дод, ки ин иншоотҳо аз ҳисоби буҷети шаҳр ва субъектҳои соҳибкорӣ бунёд карда шудаанд. Бинои иловагӣ барои 640 ҷойи нишаст дар заминаи мактаби таҳсилоти умумии №62, азнавсозӣ ва таъмири асосии мактабҳои таҳсилоти умумии рақамҳои 34, 37, 52 ва 92, як адад бинои истиқоматии 12 ошёна, 11 адад бинои истиқоматии 9 ошёна, 8 адад бинои истиқоматии 5 ошёна бо масоҳати умумии беш аз 56 000 метраи мураббаъ дар феҳристи иншоотҳои ҷашнӣ қарор доранд.