Баррасии ҳамкориҳои Тоҷикистон бо Ширкати ТВЕА
Душанбе, 1.08.2014 (АМИТ “Ховар”, Фарзонаи Давлат).- Дирўз Сарвазири мамлакат Қоҳир Расулзода бо роҳбари кулли Ширкати ТВЕА (Tebian Electric Apparatus )-и Ҷумҳурии мардумии Чин Чжан Син мулоқот кард.Дар мулоқот ҷонибҳо доир ба вазъи кунунӣ ва дурнамои муносибатҳои дуҷониба дар татбиқи лоиҳаҳои бузурги ҳамкорӣ табодули афкор карданд.Сарвазири мамлакат дар маҷмўъ аз фаъолияти самарабахши ширкати мазкур дар қаламрави Тоҷикистон изҳори қаноатмандӣ карда, аз роҳбарияти ширкат даъват ба амал овард, ки барои таъмини кори мунтазами маркази барқу гармидиҳии Душанбе-2 дар давраи тирамоҳу зимистон бо иқтидори 100 мегаватт ва омода намудани лоиҳаи оғози сохтмони навбати дуюми маркази барқу гармидиҳӣ иборат аз ду агрегат бо иқтидори 150 мегаваттӣ тадбирҳои зарурӣ амалӣ намоянд.Дар мулоқот ҳамзамон масоили вобаста ба таҳкими ҳамкориҳо дар бунёди зеристгоҳу хатҳои интиқоли барқ ва омода намудани мутахассисони баландихтисос барои фаъолият дар иншооти соҳаи энергетика ва роҳу нақлиёт мавриди баррасӣ қарор дода шуд.
Дар Душанбе Фестивали байналмилалии «Наврӯз-мероси фарҳангию ҷаҳонгардӣ» баргузор мешавад
Имрӯз дар шаҳри Душанбе ҳаво то 24 дараҷа гарм мешавад
Ҳаракати аввалин қатораи контейнерии озмоишӣ дар хатсайри «Чин – Тоҷикистон» ба самти Душанбе оғоз гардид
Дар ноҳияи Ёвон ба ифтихори Рӯзи Қувваҳои Мусаллаҳи Тоҷикистон ҳамоиш доир шуд
Хизмат дар сафи артиш нишонаи садоқат ба Ватан ва эҳсоси баланди ватандӯстӣ мебошад
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар замини Литсейи касбии техникии саноати кишоварзии ноҳияи Ашт боғи зардолу бунёд карда мешавад
Дар қисми низомии Гвардияи миллӣ дар шаҳри Роғун ҳамоиш доир гардид
Дар Суғд соҳаи моҳипарварӣ рушд намудааст
Имрӯз дар Тоҷикистон туман мефарояд
РИОЯИ ТАРЗИ ҲАЁТИ СОЛИМ. Барои пешгирӣ аз бемории диабети қанд чӣ бояд кард?
ТАРЗИ ҲАЁТИ СОЛИМ. Дар боғҳои фарҳангӣ-фароғатии шаҳри Душанбе ҳар ҳафта машқҳои пагоҳирӯзӣ гузаронида мешаванд
