Бохти мунтахаби Тоҷикистон дар Алмаато

Душанбе, 13.08.2014. (АМИТ Ховар, Ситораи Боймурод).- Дар шаҳри Алмаато дирӯз мунтахаби футболи Тоҷикистон дар бозии дӯстона аз дастаи миллии Қазоқистон бо ҳисоби 1-2 шикаст хӯрд.Тавре, ки дар ин бора Кумита олимпии кишвар хабар додааст, бозии дӯстона байни дастаҳои миллии футболи Қазоқистон ва Тоҷикистон, ки дар Варзишгоҳи марказии шаҳри Алмаато баргузор шуд, бо пирӯзии мизбонон футболбозони қазоқ — бо ҳисоби 2-1 хотима ёфт. Бояд гуфт, ки дастаҳои мунтахаби миллии Қазоқистону Тоҷикистон ҳамагӣ чор бор бо ҳам рақобат кардаанд. Дар се бозӣ футболбозони қазоқ пирӯз шудаанд ва як бозӣ бо натиҷаи мусовӣ анҷом ёфтааст. Ёдовар мешавем, ки бозии навбатии дӯстонаи мунтахаби Тоҷикистон рӯзи 4-уми сентябри соли равон дар шаҳри Минск бо дастаи миллии Беларус баргузор мешавад.