Бонки маъруфтарин дар Тоҷикистон

Душанбе, 13.08.2014. (АМИТ «Ховар», Екатерина Пасторова). — Тибқи тадқиқоти Market Brief, ки ширкати Z — analytic Group миёни 16 бонки ватанӣ ва ташкилотҳои хурди қарздиҳӣ гузаронида буд, 5 бонки бузург ва 1 бонки молиявии хурд сермизоҷтарин ва маъруфтарин миёни аҳолӣ интихоб гардиданд. Тибқи иттилои маркази тадқиқотии мазкур, дар омода намудани тадқиқот 1811 респондент аз 63 нуқтаи аҳолинишини ҷумҳурӣ ширкат намудаанд. Руйхатро яке аз бонкҳои ҷавони кишвар — бонки «Эсхата» пешсафӣ намуд. Чунон, ки аён гардид ин бонкро 47,7% респондентон дар кишвар мешиносанд. Дар ҷои дуюм «Агроинвестбонк» қарор гирифт, ки 43,7 % респондентон онро ном бурданд. Ба руйхати сегонаи беҳтаринҳо «Амонатбонк» бо гирифтани 40,1 % овози респондентон шомил гардид. Инчунин ба руйхати пешсафон 2 бонки дигар «Ориёнбонк» бо гирифтани 28,5% овоз ва «Тоҷиксодиротбонк» бо гирифтани 24,4% овоз ҳамроҳ шуданд. Миёни ташкилотҳои хурди қарздиҳӣ бошад, пешсафи мутлақ, аз рӯи маъруфият ташкилоти хурди қарздиҳии «Имон интернешнл» мебошад, ки 13,5% респондентон онро медонад. Дигар ташкилотҳои хурди карздиҳӣ ва институтҳои молиявӣ: «Ҳумо», «Финка», «Оксус» ва «Матин» аз 1,7 % то 4,4 % овози респондентонро гирифтанд.