Бунёди маркази нави тиҷорат
Хоруғ, 7.08.2014. (АМИТ «Ховар», Файз Мирасан).- Мутобиқ ба нақшаи Ҳукумати кишвар марбут ба рушди соҳаи соҳибкорӣ ва тиҷорат дар маркази ноҳияи Ванҷ бо иқдоми соҳибкори маҳаллӣ сохтмони бинои марказии тиҷоратӣ, ки аз ду ошёна иборат хоҳад буд, идома дорад. Пас аз анҷоми сохтмон дар назар аст, ки теъдоди 100 нафар аз сокинони ин ноҳия соҳиби ҷои кор мегарданд. Бинокорон ният доранд, пас аз як моҳ маркази мазкурро мавриди баҳрабардорӣ қарор диҳанд. Соҳибкори маҳаллӣ Илҳом Раҳматов мегуяд, ки чанд сол пеш дар маркази ноҳия ду се мағоза бунёд намудам, аммо бо боло рафтани сатҳи зиндагии мардум талабот ба молу коло афзуд ва аз ин ру қарор додам то як маркази муосири хизматрасониро бунёд кунам. Ин икдоми соҳибкорро мақомоти маҳалии ҳокимияти давлатии вилоят ва ноҳия дастгирӣ намуданд. Айни ҳол дар ин сохтмон даҳ нафар аз сокинони маҳаллӣ ба кор ҷалб шудаанд. Ба гуфти соҳибкор дар бинои мазкур мағозаҳо, корхонаҳои хурди истеҳсолӣ, марказҳои хизматрасонии маишӣ ва коргоҳҳо барои ҳунармандони мардумӣ, ки ба истеҳсоли ҳар гуна асбобу анҷом ва ашёҳои рӯзгор сару кор доранд, ҷой дода мешаванд.
Имрӯз дар дар водиҳои Тоҷикистон борон меборад
Имрӯз дар якчанд вазорату идораҳо нишастҳои матбуотӣ баргузор мегарданд
Имрӯз дар ноҳияҳои алоҳидаи Тоҷикистон туман мефарояд
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
