Cеминар оид ба баррасии парвандаҳо

Душанбе, 30.08.2014. (АМИТ «Ховар»).- 29 августи соли 2014 дар Шўрои адлияи Ҷумҳурии Тоҷикистон  бо иштироки кормандони дастгоҳи Шўрои адлия, судҳои шаҳри Душанбе, ноҳияҳои шаҳри  Душанбе, шаҳру ноҳияҳои тобеи ҷумҳурӣ, суди ҳарбии гарнизони Душанбе ва суди иқтисодии шаҳри Душанбе машғулияти семинарӣ баргузор гардид.
Дар семинар Шарбатов А., судяи суди иқтисодии шаҳри Душанбе дар мавзўи «Баррасии парвандаҳо оид ба мавриди баҳс қарор додани санадҳои ғайримеъёрии ҳуқуқӣ, қарорҳо ва амалӣ (беамалии) мақомоти ҳокимияти давлатӣ, дигар мақомот ва шахсони мансабдор» Қосимзода С.О. — муовини раиси суди ноҳияи Синои шаҳри  Душанбе дар мавзўи «Мурофиаи парвандаҳо дар бораи мавриди баҳс қарор додани қарорҳои мақомот ва шахсони мансабдоре, ки ваколатдоранд парвандаҳоро оид ба ҳуқуқвайронкунии маъмурӣ баррасӣ намоянд» ва дигарон сухан гуфтанд.
Дар семинар ҳамчунин як зумра масъалаҳои марбут ба фаъолияти корӣ баррасӣ шуданд.