Чорабиниҳои Рўзи байналмилалии ҷавонон
Душанбе, 13.08.2014 (АМИТ “Ховар”, Фарзонаи Давлат).-Дирӯз бахшида ба Рўзи байналмилалии ҷавонон, ки ҳамасола 12 август дар саросари дунё таҷлил мегардад, дар пойтахти кишвар як қатор чорабиниҳои таблиғотию ташвиқотӣ баргузор гардид.Тавре ки дар ин бора мудири бахши таҳлилии иттилоотии Кумитаи ҷавонон, варзиш ва сайёҳӣ Ҷалолиддин Нуров хабар дод, чорабиниҳои мазкур аз субҳи 12 август бо ташаббуси Раёсати ҷавонон, варзиш ва сайёҳии шаҳри Душанбе дар ҳамбастагӣ бо Ассосиатсияи «Рушди ҷомеаи шаҳрвандӣ» баргузор гардид.Дар чорабиниҳои мазкур масъулин ва намояндагони мақомотҳои дахлдор иштирок ва аз дастовардҳои ҷавонон дар даврони соҳибистиқлолии кишвар суханронӣ намуданд.Гуфта мешавад, ки ҳамзамон аз ҷониби ҷомеаи шарвандӣ вобаста ба фаъолияти ташкилотхои худ намоишгоҳ ташкил карда шуд.