Д.Исломов — комиссари вохӯрии мусобиқаи нимниҳоӣ

Душанбе, 27.08.2014. (АМИТ «Ховар»). – Сардори  шуъбаи байналмилалии Федератсияи  футболи  Тоҷикистон  Давлатманд  Исломов  комиссари вохӯрии  якуми нимниҳоӣ  барои дарёфти  Ҷоми  Конфедератсияи  футболи  Осиё  байни дастаҳои «Ал – Қадсия» — и Кувейт ва «Персипура Ҷаяпура» —  Индонезия, ки  16  сентябр  дар  шаҳри Ал – Кувейт  баргузор  мегардад,  таъйин  шуд.
Назар  ба  иттилои  Федератсияи  футболи  Тоҷикистон,  дар таърихи  футболи  Тоҷикистони  мустақил  намояндаи  кишвари  мо  бори  нахуст  дар  ташкили  вохӯрии  дастаҳои сатҳи  баланд  комиссари бозӣ  таъйин  шудааст.
Ёдовар  мешавем, ки  соли  ҷорӣ  Давлатманд  Исломови   33 — сола  комиссари  бозиҳои  мусобиқоти   интихобӣ барои дарёфти  Ҷоми  Осиё – 2015,  Лигаи   қаҳрамонон ва Ҷоми Конфедератсияи  футболи  Осиё, ҳамчунин  қисми  ниҳоии  Ҷоми  довталабони Конфедератсияи  футболи  Осиё гардид.