Дар Конибодом 370 тонна ангишт захира шудааст

Душанбе, 7.08.2014. (АМИТ «Ховар», Мавҷуда Анварӣ).- Бо мақсади омодагӣ ба давраи тирамоҳу зимистони солҳои 2014 — 2015 дар шаҳри Конибодом маводи лозимаи сӯхт захира мешавад.Ба иттилои Фирӯза Юнусова- мудири шӯъбаи маориф айни замон дар шаҳри Конибодом 56 муассисаи соҳаи маориф фаъолият дорад. Дар доираи татбиқи Қарори раиси вилоят дар бораи омодагии ташкилоту муассисаҳо ба фаслҳои тирамоҳу зимистон то ин дам дар мактабу кӯдакистонҳои шаҳр 370 тонна ангишт захира шудааст, ки ин 83 дарсади нақшаро дар бар мегирад.Тибқи иттилои Хадамоти матбуоти раиси вилояти Суғд эҳтиёҷоти муассисаҳои маориф ба ангишт 500 тоннаро ташкил медиҳад. Харидории сӯзишвории дизелӣ барои истифодаи генераторҳо пурра ба охир расида, дар муассисаҳои таълимӣ шишабандии тирезаҳо идома дорад.