«Энергетик»-и Душанбе барандаи мусобиқаи футболбозони наврас
Душанбе, 13.08.2014. (АМИТ Ховар, Ситораи Боймурод).- Дастаи «Энергетик»-и Душанбе барандаи мусобиқаи футболбозони наврас ба хотираи Мирзо Мамадҷонов, аввалин раиси Федератсияи футболи Тоҷикистон, гардид.Тавре, ки дар ин бора Кумитаи олимпии кишвар хабар додааст, нахустин мусобиқаи футболбозони навраси аз 10 то 12 сола ба хотираи Мирзо Мамадҷонов, аввалин раиси Федератсияи футболи Тоҷикистон, бо пирӯзии дастаи «Энергетик»-и Душанбе ба анҷом расид.Ин мусобиқа бо ширкати ҳашт даста дар майдонҳои футболи хурди варзишгоҳи марказии Душанбе баргузор гардид. Дар бозии ниҳоӣ ду дастаи кишвар «Энергетик ва Авиатор рақобат карданд. Ба дастаи ғолиб ва тимҳое, ки ҷойҳои дуввуму севумро гирифтанд, инчунин, бозингарони беҳтарини мусобиқа ҷоизаҳои федератсияи футболи шаҳри Душанбе супурда шуд. Ҷоизаҳоро, инчунин, Шӯҳрат Мамадҷонов, писари зиндаёд Мирзо Мамадҷонов, собиқ бозингари дастаи «Помир»-и Душанбе ва мунтахаби олимпии Иттиҳоди Шӯравӣ, ба футболбозони наврас тақдим кард.Ёдрас мешавем, ки Мирзо Мамадҷонов 10-уми декабри соли 1943 дар ноҳияи Панҷ ба дунё омадааст. Вай ҳамчун бозингар, мураббӣ, довар ва раҳбар тамоми ҳаёти худро ба рушди футбол бахшидааст. Дар дастаҳои мухталифи кишвар муваффақона бозӣ кардааст.Инчунин, барои хидматҳои арзандааш дар рушди варзиш, бахусус, футбол дар кишвар бо унвони фахрии Корманди шоистаи Ҷумҳурии Тоҷикистон мушарраф шудааст.Бо ташаббуси ӯ соли 1992 Федератсияи миллии футболи Тоҷикистон таъсис ёфт, ки Мирзо Мамадҷонов аввалин раиси он буд. Бо талошҳои зиёди ӯ ФФТ соли 1994 узви AFC (Конфедератсияи футболи Осиё) ва ҳамон сол узви FIFA (Федератсияи байналмилалии футбол) гардидааст. Вай то моҳи майи соли 1995 раиси ФФТ, баъдан то соли 2012 муовини раиси ФФТ буд.








Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд
Таҳти унвони «Нақши Пешвои миллат дар ташаккул ва рушди фарҳанги миллӣ» конференсияи ҷумҳуриявӣ доир шуд
Бахшида ба Рӯзи Президенти Тоҷикистон дар Коллеҷи омори шаҳри Ваҳдат конференсияи ҷумҳуриявӣ доир гардид






