Фархор: Ҷалби духтарон ба кор

 Фархор, 27.08.2014. (АМИТ «Ховар», Сулаймони Хол).- Бо мақсади коҳиш додани сатҳи бекорӣ ва дар ҳамин замина ба омӯзиш фаро гирифтани ҷавондухтарон дар ноҳияи Фархор аз ҳисоби шуъбаи Агентии меҳнат ва шуғли аҳолӣ бахши омӯзиши кӯтоҳмуддат ташкил гардид. Дар он духтарон  ба дӯхтани либосҳои занонаю мардона, сабадбофӣ ва дигар ҳунарҳои қадимии  точикӣ, ки дар ноҳия роиҷанд, машғуланд.
Ба гуфти масъулини раёсати Агентии меҳнат ва шуғли аҳолии минтақаи Кўлоб ҳоло аз ҳисоби зершуъбаи Агентии меҳнат ва шуғли аҳолӣ дар ноҳияи Фархор дар як давра 40 нафар духтари маҳаллӣ аз мутахассисон дӯхти либосҳои миллӣ ва муосир, инчунин қуроқдўзиро меомӯзанд ва  аллакай дар ин ҷода таҷрибаи хуб аз бар кардаанд.