Фестивали «Боми ҷахон» дар Хоруғ
Хоруғ, 6.08.2014. (АМИТ «Ховар», Файз Мирасан).- Дар фестивали «Боми ҷаҳон» ҳам дар баробари суруду рақс намоиши ҳунарҳои мардумӣ ва дастовардҳои тоҷикони кӯҳистони Бадахшону дигар намояндагони кишварҳои Осиёи Марказӣ ташкил гардид. Муассисаҳои фарҳангии давлатӣ дар ҳамкорӣ бо ташкилотҳои ҷамъиятӣ ба маърази тамошо на танхо муҳраву куртаҳои хушдӯхт ва тоқиҳои анъанавӣ, балки асарҳои зиёдеро пешкаш намуданд, ки аз фарҳангу маданияти тоҷикони кӯҳистони Бадахшон дарак медиҳанд. Дар маркази ВМКБ шаҳри Хоруғ бо ибтикори мақомоти маҳаллӣ ҳокимияти давлатии вилоят дар ҳамкорӣ бо ташкилоти ҷамиятии «Ҳамеша-спента» фестивали «Боми ҷаҳон» баргузор гардид, ки дар он ҳунармандон аз кишварҳои ҳамсояи Чин, Афғонистон, Қирғизистон ва Покистон ширкат доштанд.Дар фестивали мазкур ба ғайр аз рақсу таронахонӣ, ҳамчунин намоиши ҳунарҳои мардумӣ ва дастовардҳои тоҷикони кӯҳистони Бадахшону дигар кишварҳои ҳамсоя ба маърази тамошо гузошта шуд. Як нафар аз ташаббускорони ин иқдоми нек, корманди Пажуҳишгоҳи инсоншиносии Академияи улуми Тоҷикистон дар Бадахшон Умед Муҳаммадшерзодшоев баён дошт, ки дар фестивал асарҳои илмӣ-бадеӣ, ки дар бораи урфу одат ва суннатҳои мардуми кӯҳистон ҳикоят мекунанд, низ ба намоиш гузошта шуданд.
Имрӯз дар дар водиҳои Тоҷикистон борон меборад
Имрӯз дар якчанд вазорату идораҳо нишастҳои матбуотӣ баргузор мегарданд
Имрӯз дар ноҳияҳои алоҳидаи Тоҷикистон туман мефарояд
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
