Фурқат Урунов чемпиони ҷаҳон

 
Душанбе, 08.08.2014. (АМИТ «Ховар»). — Варзишгари тоҷик Фурқат Урунов дар чемпионати ҷаҳон оид ба таеквондо ИТФ миёни собиқадорон дар гурӯҳи 1 медали тилло ба даст овард.Ҷои дуввумро варзишгари ҷопонӣ Тотсука Тетсуҳеда ишғол намуд ва ҷои сеюм насиби Франко Риверо аз Пуэрто — Рико ва Сергей Ким аз Русия гардид.Дар гурӯҳи дигар миёни собиқадорон ҷойҳои якум ва дуюмро варзишгарони Ҷопон Ошима Масару ва Сато Нозому ишғол намуданд. Ҷои сеюм бошад насиби Чиапперо Ҷуан Мануэли аргентинӣ ва Еда Ясухирои ҷопонӣ гардид.Дар гурӯҳи 4 низ ҷои якумро варзишгари ҷопонӣ Танэба Катсума ба даст овард. Дар ин гурӯҳ варзишгари амрикоӣ Ҷозе Монтеро сазовори ҷои дуюм гардид. Ҷои сеюмро Вадим Ли аз Қазоқистон ва Луиз Гарсия аз Пуэрто Рико ба ҳам диданд.