Идомаи интиқоли ҷасадҳо аз Украина

Душанбе,4.08.2014 (АМИТ «Ховар», Иброҳими Ҳабибуллоҳ)-  Коршиносони кофтуковӣ байналмиллалӣ бо ёрии сагҳои бӯгир дар маҳалӣ суқути ҳавопаймои ширкати Малайзия дар шарқи Украина дар масоҳати 20 километри мураббаъ боқимонда ҷасадҳои қурбониёни суқутро дар муддати 17-рӯз пайдо карда, сеюми августи соли равон тариқи 4 мошини дорои яхдон ҷасадҳои пайдошударо ба шаҳри Харков интиқол доданд. Дар назар аст, ки онҳо аз Харков ба Ҳолланд фиристода мешаванд. Гуфта мешавад, ки то ҳол 220 ҷасад фиристода шудааст. Лозим ба ёдоварист ин ҳавопаймо рӯзи 17-уми июл бо 298 мусофираш дар шарқи Украина ба фалокат дучор омада буд.
 
Ҳукми ҳизби адолати Туркия
 
Душанбе,4.08.2014 (АМИТ «Ховар»)- Мувофиқи иттилои хабаргузории Олмон, ҳафтаи равон роҳбари узви ҳизби ҳокими адолат ва тавсеаи Туркия ҳукми баробарҳуқуқии зан ва мардро ба тасвиб расонд. Аммо роҳбари либералҳои Туркия гуфтааст, ки занон набояд дар байни омма ё ҷойҳои умумӣ биханданд ё ин ки баробарҳуқуқӣ дошта бошанд. Бояд гуфт, ки ихтилофи назар миёни ҳизби ҳокими адолат ва тавсеа ва либералҳо бар сари масъалаи ҳуқуқи занон дар гузашта низ мавҷуд буд. Ва низ гуфта мешавад, ки дар ҳоле, ки интихоботи раёсати ҷумҳури Туркия дар моҳи ҷорӣ баргузор хоҳад шуд, ихтилоф миёни либералҳо ва муҳофизакорон дар ин кишвар дар ҳоли афзоиш аст.
 
Оғози ҷанги дубора
 
Душанбе,4.08.2014 (АМИТ «Ховар»)- Мувофиқи иттилои Ассошиэйтед Пресс, ҳафтаи равон, рӯзи ҷумъа қарори оташбас миёни Ҳамос ва Исроил аз соати ҳашти субҳ таъйин шуда буд. Аммо ду соат пас аз оғози оташбас, мақомоти қудратии фаластинӣ гуфтаанд, ки танкҳои исроилӣ ба Ар-Рафаҳ тирандозӣ кардаанд, ки он боиси кушта шудани 30 фаластинӣ шудааст. Бар асари он ҷониби Фаластин низ ҷанг дубора оғоз шудааст.