Ин Ватанро мо ҷавонон сабзу хуррам мекунем

Душанбе, 06.08.2014 (АМИТ “Ховар”, Фарзонаи Давлат).- «Ин Ватанро мо ҷавонон сабзу хуррам мекунем!» таҳти чунин унвон аз 29-уми июл то 5-уми ноябри соли равон дар қаламрави ҷумҳурӣ Амалиёти умумиҷумҳуриявии ҷавонон оид ба 100 рўзи ободонӣ ташкил гардидааст.Амалиёти мазкур бо ташаббуси Кумитаи ҷавонон, варзиш ва сайёҳӣ ташкил гардида, дар тамоми минтақаҳои кишвар ба тариқи ҳашар ва корҳои фаҳмондадиҳӣ амалӣ гардонида хоҳад шуд. Гуфта мешавад, ки мақсад аз чунин иқдом ободу зебо намудани маҳаллаҳои зисти сокинон ва дар рўҳияи ватандустӣ ва ҷалби ҷавонон бо меҳнати ҷисмонӣ иборат мебошад.