“Кӯкнор-2014” дар ду вилоят натиҷа дод

Душанбе, 29.08.2014. (АМИТ «Ховар», Мавҷуда Анварӣ).-  Дар охири моҳи августи соли 2014 аз тарафи гурӯҳҳои фаврии раёсати Агентии назорати маводи нашъаовар дар ВМКБ дар натиҷаи аз назар гузаронидани қитъаҳои наздизаминӣ ва хоҷагиҳои деҳаи Бунии ҷамоати Ширинҷонови ноҳияи Шуғнон парвариши банги ҳиндӣ ба миқдори 3 ҳазор бех ниҳол дар масоҳати 0,2 га ошкор гардид. Ҳамаи ниҳолҳо бо роҳи сӯзонидан нобуд  шуданд.
Тибқи иттилои маркази матбуоти Агентии назорати маводи нашъаовар, худи ҳамон рӯз дар ҳудуди ноҳияи Бобоҷон Ғафуров аз тарафи кормандони раёсати АНМН дар вилояти Суғд тақрибан 30 ҳазор бех ниҳоли банги ҳиндӣ ошкор ва нобуд карда шуд.