Кӯлоб: 1 ҳазору 20 толору майдончаҳои варзишӣ

Кӯлоб, 11.08.2014. (АМИТ «Ховар», Сулаймон Холов).- Бо мақсади оммавӣ гардонидани варзиш ва рушди тарбияи ҷисмонӣ дар минтақаи Кӯлоб бо дастгирии Ҳукумати Ҷумҳурии Тоҷикистон , Кумитаи ҷавонон , варзиш ва сайёҳӣ ва мақомоти иҷроияи ҳокимияти давлатии вилояти Хатлон соҳаи варзиш рушд карда, толору майдончаҳои варзишӣ мавриди истифода қарор гирифта истодаанд.Бино ба иттилои мудири бахши ҷавонон, варзиш ва сайёҳии минтақаи Кӯлоб Зайниддин Давлатов то имрӯз дар минтақа 1 ҳазору 20 толору майдончаҳои варзишӣ бо 52 ҳазору 739 ҷои нишаст фаъол гардонида шудааст , ки 240 нафар устодон ва мураббиҳо ба шогирдон аз рӯи 20 намуди варзиш машқу тармим медиҳанд. Аз шумораи толору майдончаҳои варзишӣ 938 иншоот давлатӣ , 82 иншоот ҷамъиятӣ мебошад. Ба иттилои масъулин дар нимсолаи аввал дастовардҳои варзишгарони минтақаи Кӯлоб нисбат ба ҳамин давраи соли гузашта ба маротиб зиёд гардидааст.