Корҳои ободонӣ дар Кӯлоб
Кӯлоб, 4.08.2014. (АМИТ «Ховар», Сулаймон Холов).- Кормандони корхонаи фаръии давлатии хоҷагии комуналии ш.Кӯлоб ҳамарӯза аз рӯи нақшаи тасдиқгардидаи корхонаи мазкур корро ба роҳ монда, барои тоза намудани кӯчаю хиёбонҳои шаҳр нақши назаррас мегузоранд.Ба гуфти директори корхонаи мазкур Абдухолиқ Лоиқов дар мувозинати муассиса 16 техника фаъолият дошта, 11 тои он дар ҳолати хуби корӣ мебошанд.Мувофиқи иттилои масъулини соҳа дар давоми шаш моҳи соли ҷорӣ 15 ҳ 900 метри кубӣ партовҳо аз дохили кӯчаю маҳаллаҳо ва муассисаю ташкилотҳо кашонида шуд, ки нисбати ҳамин давраи соли гузашта ба маротиб қарор доранд.Мавриди зикр аст, ки дар корхона 153 нафар коргар ба кор ҷалб гардидааст, ки аз ин шумора 91 нафарашон занҳо мебошанд. Гуфта мешавад, ки бо беҳтар гардидани шароити корӣ ва сари вақт маблағгузории мақомоти иҷроияи ҳокимияти давлатии ш.Кӯлоб вазъи хизматрасонӣ ру ба беҳбудӣ оварда , шароити кории кормандони соҳа дар самти кашонидани партовҳо ва тоза нигаҳ доштани кӯчаю маҳаллаҳо беҳтар шудааст.