Кормандони Агентии коррупсия дар ПҲ ба кор қабул шуданд
Душанбе, 01.08.2014.(АМИТ «Ховар», Марзия Саидзода).- Аз 50 нафар кормандони ихтисоргардида аз воҳидҳои кории Агентии назорати давлатии молиявӣ ва мубориза бо коррупсияи назди Президенти ҷумҳурӣ 22 нафар тариқи озмун дар Палатаи ҳисоби Ҷумҳурии Тоҷикистон ба кор қабул гардидаанд. Дилмурод Давлатзода -раиси Палатаи ҳисоби Ҷумҳурии Тоҷикистон гуфт, ки дар Палатаи ҳисоб тибқи Фармони Президенти ҷумҳурӣ дар моҳи феврал 50 воҳиди кории иловагӣ ҷудо гардида, дар асоси Низомномаи Палатаи ҳисоб озмун эълон карда шуд, ки давомнокии он ду моҳ тӯл кашид. Дар озмун беш аз 300 нафар хоҳишмандон ҳуҷҷат супориданд. Озмун дар се марҳила ва вазнин ҷараён гирифт, зеро барои як воҳиди корӣ 5 нафар рост меомад, мегӯяд Д. Давлатзода. Марҳилаҳои озмун аз шиносоӣ бо ҳуҷҷатҳои довталабон, саволу ҷавоб ва сӯҳбати хосса бо онҳо иборат буд. Раиси палатаи ҳисоби ҷумҳурӣ афзуд, ки озмун ошкоро ва шаффоф сурат гирифта, беҳтарин мутахассисони варзида ба кор қабул карда шуданд. Алҳол, дар Палатаи ҳисоби Ҷумҳурии Тоҷикистон 65 нафар корманд фаъолият дошта, аз он 5 нафарашон сарудиторони варзида ва дорои таҷрибаи калони корӣ мебошанд. Аксари кормандону мутахассисони Палатаи ҳисоби кишвар дорои маълумоти иқтисодӣ буда, дастпарварони донишгоҳҳои кишварҳои хориҷӣ, назири Амрико ва Британияи Кабиранд. Палатаи ҳисоби Ҷумҳурии Тоҷикистон мақоми олии назорати молиявӣ буда, танҳо ба Президент ва Парлумон тобеъ аст, раис, муовини раис ва 5 нафар сараудитор аз ҷониби Президенти кишвар таъин карда мешаванд.
Омодагӣ ба соли нави хониш дар ҷаласаи Кумита оид ба таҳсилоти ибтидоӣ ва миёнаи касбӣ баррасӣ шуд
Масъалаи ташкили ковишҳои бостоншиносӣ дар мавзеи «Дараи Алмосӣ» баррасӣ гардид
Имрӯз дар ноҳияҳои алоҳидаи кӯҳӣ борони кӯтоҳмуддат меборад
Дар Хуҷанд барои пешгирии бемориҳои сироятӣ вохӯрӣ доир гардид
Баланд бардоштани маърифати ҳуқуқӣ заминаи боэътимоди рушди босуботи ҷомеа мебошад
Истифодаи самараноки заминҳои наздиҳавлигӣ заминаи хуби фаровонҳосилӣ ва таъмини амнияти озуқаворӣ аст
Имрӯз дар Тоҷикистон ҳарорати ҳаво ба 38 дараҷа мерасад
ИСТИФОДАИ БОСАМАРИ ЗАМИН. Сокини деҳаи Гулистони ноҳияи Кӯшониён аз замини наздиҳавлигӣ ду-се ҳосил ба даст меорад
Дар шаҳри Гулистон сохтмони корхонаҳо ва васлу насби дастгоҳу таҷҳизоти муосир идома дорад
Бо ташаббуси Кумитаи иҷроияи Ҳизби Халқии Демократии Тоҷикистон дар вилояти Хатлон оид ба китобу китобхона ташаббусҳои ҳизбӣ доир мегарданд
Ҳамкории Литсейи касбии техникии нақлиёти роҳи оҳани Душанбе ва Донишгоҳи давлатии Кубан тақвият меёбад
Дар намоишгоҳи «Сӯзании Панҷакент» намунаи маҳсули ҳунармандони чирадаст ба намоиш гузошта мешавад
