«Корвони китоб» аз Суғд ба Бадахшон рафт

Душанбе, 26.08.2014. (АМИТ «Ховар», Мавҷуда Анварӣ).- Аз 12 то 19 августи соли равон бо иштироки намояндагони Вазорати фарҳанг ва аҳли илму адаб аз шаҳри Душанбе ба вилояти Суғд «Корвони китоб» сафар кард. Ҳаракати «Корвони китоб» 12 август дар маркази ноҳияи Айнӣ бо иштироки намояндагони илму адаби шаҳру ноҳияҳои Панҷакент, Кӯҳистони Мастчоҳ ва Айнӣ, 13 август дар шаҳри Истаравшан бо иштироки намояндагони шаҳру ноҳияҳои Истаравшан, Шаҳристон, Ғончӣ, Зафаробод, 14 август дар шаҳри Хуҷанд бо иштироки намояндагони шаҳру ноҳияҳои Хуҷанд, Мастчоҳ, Спитамен, Истиқлол, Ҷаббор Расулов, Бобоҷон Ғафуров, 15 август дар шаҳри Чкаловск, 16 август дар шаҳрҳои Қайроққум, Ашт, Исфара, 17 август дар шаҳри Конибодом дар сатҳи баланд анҷом ёфт. Муассисаҳои давлатии «Бибколлектор» 317 нусха, «Бибтехника» 36319 нусха, «Муаллифҳо» 2966 нусха, «Хонаи китоби Тоҷикистон» 200 нусха, нашриётҳои «Адиб» 3507 нусха, «Ирфон» 921 нусха, «Энсиклопедия» 242 нусха, «Адабиёти бачагона» 60 нусха, «Бебок» 250 нусха, «Истиқбол» 204 нусха, «Афсона» 11 нусха, «Истеъдод» 246 нусха китоб ва бибтехникаро дар ин сафар ба намоиш ва фурӯш гузоштанд.Маъракаи мазкур дар сатҳи баланд баргузор гардида, масъулони «Корвони китоб» бо муассисаву корхонаҳои шаҳрҳои Қайроққум, Чкаловск, ноҳияи Спитамен, китобхонаи бачагонаи вилоятии Ҳуҷанд, Раёсати вилояти Хуҷанд шартномаҳои ғайринақдӣ ба имзо расонданд.Дирӯз, 26 август «Корвони китоб» ба Вилояти Мухтори Кӯҳистони Бадахшон сафар кард. Дар ин бора Раҷаббек Исоев, корманди Вазорати фарҳанги ҷумҳурӣ ба АМИТ «Ховар» хабар дод.