Корвони саломатӣ дар Шӯрообод

 Шӯрообод, 19.08.2014. (АМИТ  «Ховар», Сулаймон Холов).-Таҳти  шиори «Фарди солим-пешбарандаи  ҷомеаи солим» дар ноҳияи Шӯрообод  корвони саломатӣ ташкил шуд, ки  тавассути он 18 нафар  мутахассиси  варзидаи соҳаи тибби минтақаи Кӯлоб дар ҷамоатҳои дурдасти  Дашти-Ҷум, Ёл ва  Лангардара  дар тӯли   4 рӯз  беморонро ба таври   ройгон  аз муолиҷа гузарониданд.  Бино  ба иттилои сардори раёсати тандурустии  минтақа Мирзоалӣ Миралиев солҳои охир бо мақсади беҳтар кардани сифати хизматрасонии тиббӣ бо ибтикори Вазорати тандурустӣ ва ҳифзи иҷтимоӣ қарори махсус ба тасвиб   расид,  ки  дар пайи иҷрои он  тавассути корвони саломатӣ  ба беморон  хизмати босифати тиббӣ  расонида мешавад. Дар  ин тадбири муҳим, ки барои ҳифзи саломатии мардум равона гардидааст, табибони  баландихтисос. аз ҷумла духтури кӯдакона,  силшинос,  сироятшинос,  дилшинос, мутахассисони марказҳои солимии  репродуктивӣ  муроҷиаткунандагонро ташхис менамоянд. 
Мавриди зикр аст, ки дар корвони саломатӣ беш аз 500 нафар шаҳрванд аз муоинаи тиббӣ гузашта, бемории худро муайян  намуд. Дар назар аст чунин чорабинӣ дар дигар ноҳияҳо  низ гузаронида шавад.