М.Давлатов: «Ба назорати дорувор зарурат дорем»

Душанбе, 19.08.2014. (АМИТ «Ховар», Елена  Батенкова). — Дар  назди  Хадамоти  давлатии дорусозии  ҶТ  шуъбаи  назорати дорувор  таъсис  ёфтааст,  ки  он таъсири   зараровари  баъзе доруҳои  сохти  Тоҷикистонро ошкор  менамояд.  Назар  ба гуфтаи  муовини  роҳбари  хадамоти  мазкур  Маҳмадалӣ  Давлатов, алҳол дар  ҳамаи  кишварҳои  мутараққии   ҷаҳон  чунин  шуъбаҳо  фаъолият  доранд.
«Мо  ба  рушди  чунин  шуъба  таваҷҷуҳи  хоса  зоҳир  менамоем,  зеро  дар  ҷумҳурӣ бояд усули   назорати  дорувор  арзи  вуҷуд  дошта  бошад. Ҳоло дар  ҳамаи  ноҳияҳои  ҷумҳурӣ  намояндагиҳои  шуъбаи  мазкур  фаъолият  доранд», —  гуфт Маҳмадалӣ  Давлатов. 
Шуъбаи  назорати  дорувор ҳамчунин  бо  намояндагону тавлидкунандагони  дорувори  кишвар зич  ҳамкорӣ  менамояд. 
Алҳол  Тоҷикистон бо  дорусозони кишварҳои  дигар ҳамкорӣ  намуда,  ҳангоми дар  кишвари  дигар  ошкор  гардидани  таъсири  манфии дору  барои  безарар гардонидани он  ба мақомоти  марбута  хабар  медиҳад.