Мактабҳои нав дар Шӯрообод

       Шӯрообод, 27.08.2014. (АМИТ «Ховар», Сулаймони Хол).- Бо дастгирии Ҳукумати Чумҳурии Тоҷикистон дар ноҳияи Шӯроободи вилояти Хатлон соҳаи маориф рушд намуда, дар дурдасттарин деҳаҳои ноҳия мактабҳои наву замонавӣ мавриди истифода қарор мегиранд.  Дар айни ҳол дар ҳудуди  ноҳия бунёди 3 муассисаи таълимӣ идома дорад ва он дар рўзи дониш мавриди истифода қарор мегирад.
Рўзи донишро хонандагони муассисаи таълимии рақами 26-и деҳаи Навбулоқ дар утоқҳои зебою замонавӣ, ки аз ҳисоби мақомоти иҷроияи ҳокимияти давлатии вилояти Хатлон маблағгузорӣ гардидаанд, истиқбол мегиранд.