«Мизони давр» китоби тозанашр

Душанбе, 7.08.2014. (АМИТ «Ховар», Зарангези Латиф).- «Мизони давр» зери чунин унвон китоби нави адиби шинохтаи ҷумҳурӣ Муҳаммадрасул Иброҳимзода рӯи чоп омад.«Мизони давр» дар нашриёти «Ирфон» ба табъ расида, аз қиссаи «Васияти пеш аз марг», «Қиссаи дирӯз» ва ҳикояи воқеии «Зане дар никоҳи ду мард» мураттаб гардидааст.Муаллиф дар асари хеш хонандаро ба таърихи аҷдодии миллати тоҷик , пос доштани илму маърифат ва фарҳангу тамаддуни ҳазорсола , бедор намудани ҳисси ватандӯстию хештаншиносӣ водор намудааст. Муҳаммадрасул Иброҳимзода ҳамчунон хонандаи асарро ба пайравӣ намудан аз сиёсати хирадмандонаи Сарвари Давлат ва амал намудан ба изҳори насиҳатҳои падаронаи Президенти мӯҳтарам Эмомалӣ Раҳмон даъват намудааст.Ба китоби мазкур Нависандаи халқии Тоҷикистон Кароматуллоҳи Мирзо пешгуфтор навишта, дар он изҳори хушнудӣ намудааст, ки дар саҳфаи адабиёт боз чунин як асари ҷадид ва хонданӣ рӯи чоп омадааст.