Мулоқоти И.Сатторов бо И.Слюняев

Душанбе, 18.08.2014. (АМИТ «Ховар»). – Чанде  пеш  сафири  Тоҷикистон  дар  Федератсияи  Русия  Имомуддин  Сатторов  бо  вазири  рушди  манотиқи Федератсияи  Русия  Игор  Слюняев  мулоқот  анҷом  дод.
Тавре  ки  аз Сафорати  ҶТ  дар  ФР  хабар  доданд,  ҷонибҳо  дар  ҷараёни  мулоқот  масоили   рушди ҳамкории  дуҷониба,  ҳамчунин  омодагӣ ба Конфронси  сеюм оид ба ҳамкории  байниминтақавии  Тоҷикистону  Русия  ва Ҳамоиши  1У байнипарлумонии «Русия – Тоҷикистон:  имконияти  ҳамкории  байниминтақавӣ» — ро, ки  моҳи октябри  соли  ҷорӣ  баргузор  мегарданд,  мавриди  муҳокима  қарор  доданд.
Дар  ҷараёни  конфронс  масоили  ҳамкории  байниминтақавӣ   дар  бахши  таҳсилоти  касбӣ,  муносибатҳои тиҷоратию  иқтисодӣ,  ҳамчунин  дурнамои  рушди  равобити  мустақими  ниҳодҳои  Русия  ва  Тоҷикистон дар  асоси  созишномаҳои  дуҷониба   баррасӣ  мешаванд.