Мулоқоти Сарвазир бо намояндаи СММ
Душанбе, 12.08.2014. (АМИТ «Ховар», Зарангези Латиф).- Имрўз Сарвазири мамлакат Қоҳир Расулзода бо намояндаи махсуси Дабири кулли СММ, Роҳбари маркази минтақавии СММ оид ба дипломатияи пешгирикунанда дар Осиёи Марказӣ Мирослав Енча мулоқот кард.Зимни сўҳбат дар маҷмўъ масоили вобаста ба ҳамкориҳои минтақавӣ, хусусан таъмини суботу осоиштагии минтақа, таҳкими ҳамкориҳо дар идораи захираҳои обу энергетика, нақлиёту комуникатсия ва табодули молу маҳсулот мавриди баррасӣ қарор дода шуд.Тавре таъкид гардид, СММ татбиқи лоиҳаҳои бузурги минтақавии сохтмони роҳҳои оҳан, хаттҳои интиқоли барқ ва газро, ки дар оянда ба пешрафти иқтисодиёт ва беҳдошти сатҳи зиндагии аҳолии кишварҳои минтақа мусоидат менамоянд ҷонибдорӣ карда ба нақши Тоҷикистон дар таҳкими ҳамкориҳои минтақавӣ ва дарёфти роҳҳои мусолиҳатомези ҳалли мушкилоти иқтисодию иҷтимоӣ дар минтақа баҳои баланд медиҳад.Ҷонибҳо дар мулоқот ҳамзамон атрофи дигар мавзўҳои мавриди таваҷҷўҳ аз ҷумла доир ба раванди омодагиҳои Ҷумҳурии Тоҷикистон ба баргузории ҷаласаи Шўрои Сарони давлатҳои узви Созмони ҳамкориҳои Шанхай табодули афкор намуданд.