Мусобиқаи футбол миёни муҳоҷирони корӣ дар Маскав
Душанбе, 14.08.2014 (АМИТ “Ховар”, Фарзонаи Давлат).- Дар шаҳри Маскави Федератсияи Русия 5-умин мусобиқа оид ба футбол миёни дастаҳои муҳоҷирони кории тоҷик оғоз гардид.Тавре ки дар ин бора сомонаи расмии сафорати Тоҷикистон дар Русия хабар додааст, вохӯриҳои дастаҳо, ки 16 клуб дар он иштирок дорад, дар варзишгоҳи “Торпедо”-и шаҳри Маскав баргузор мешаванд.Гуфта мешавад, ки баргузории мусобиқаи мазкур байни муҳоҷирони кории тоҷикистонӣ бо ташаббуси Ташкилоти ҷамъиятии рушди тарбияи ҷисмонӣ ва варзиш миёни ҷавонон “Помир” гузаронида мешавад. Мусобиқаи мазкур то 15-уми сентябри соли равон идома карда, даври ниҳоии он рӯзи 16-уми сентябр дар варзишгоҳи мазкур гузаронида хаҳад шуд.