Нахустин филми мустанад дар бораи 40-солагии ДДСТ

Душанбе, 11.08.2014. (АМИТ «Ховар», Мавҷуда Анварӣ).-Дар нимсолаи аввал чор спектакли ҳимояи дипломии хатмкунандагони театри бадеии шуъбаи актёри драма ва кинои Донишкадаи давлатии санъати Тоҷикистон ба номи М. Турсунзода дар толори Театри академӣ-драмавии ба номи А. Лоҳутӣ, Театри давлатии ҷавонон ба номи М. Воҳидов ва донишкада намоиш дода шуданд.Диловар Латифов-ректори донишкада зимни нишасти хабарӣ изҳор дошт: «Донишкада барои фаҳмиш, малака ва донишомӯзӣ донишҷӯёнро ба тамошои намоишҳои Театри академии драмавии ба номи А. Лоҳутӣ, Театри давлатии ҷавонон, Театри опера ва балет, Театри русӣ-драмавии Маяковский сафарбар кард, ки то имрӯз ташобинон намоишномаҳои «Лайлӣ ва Маҷнун», «Комде ва Мадан», «Шайхураис Абӯалӣ ибни Сино», «Шомгоҳи Миср», «Операи Рӯдакӣ», «Қишлоқи тиллоӣ», оратория-балети «Мақоми ишқ», операи нави Мустафо Бафоев «Борбад», нахустнамоиши мазҳакаи драманависи машҳури итолиёӣ Карло Голдонӣ «Моҷаро»-ро тамошо карданд».Дар нимсолаи аввали соли равон ба пешвози ҷашни 100-солагии Ҳунарманди мардумии Тоҷикистон, профессор Азиза Азимова бо роҳбарии сарбалетмейстер, роҳбари бадеии ансамбл, дотсент, мудири кафедраи рақси донишкада М. Искандаров консерти ҳисоботӣ-эҷодии ансамбли “Бунафша” баргузор гашт. Инчунин, донишкада дар даври аввали Фестивал-озмуни ҷӯмҳуриявии “Андалеб” аз ноҳияи Синои шаҳри Душанбе баромад карда, сазовори ҷойи аввал гардид. “Бори аввал дар бораи 40-солагии фаъолияти донишкада аз ҷониби устодон филми мустанад таҳия ва ба тамошобинон пешкаш гардид”-иброз намуд Д. Латифов.