Нахустин интихоботи мустақими президентӣ дар Туркия

Истамбул, 11.08.2014. (АМИТ «Ховар», Катерина Аксакова). — Интихоботи президентӣ бори нахуст дар таърихи кишвар тариқи овоздиҳии мустақим 10 — уми август дар Туркия баргузор гардиданд.Тибқи иттилои матбуоти Туркия, дар интихоботи президентӣ Сарвазири кунуни ва рохбари ҳизби ҳоким Адолат ва Рушд Реҷеп Тайип Эрдоган бо гирифтани 52 % овозҳо ғолиб омадааст. Рақиби асосии ӯ — номзад аз ҳизби мухолиф Экмелиддин Ихсаноглу 38,9 %-и овозҳоро ба даст овард. Барои номзади 3-юм ба мақоми президентӣ — ҳамраиси ҳизби халқии демократии про-курд Селахаттин Демирташ ҳамагӣ 9 % аҳолии Туркия овоз додаанд.Аз 56 миллион интихобкунанда зиёда аз 40 миллионашон дар интихоботҳо иштирок кардаанд. Иштирок дар интихоботҳо 73,1 % — ро ташкил дод.Нуқтаҳои овоздиҳӣ аз 8:00 субҳ то 17:00 бегоҳ бо вақти маҳалли интихобкунандагонро қабул кардаанд. Дар рафти овоздиҳӣ дар кишвар фурӯши маҳсулоти спиртӣ бахусус дар ҷойҳои ҷамъияти ва инчунин баргузории чорабиноҳои фараҳбахш манъ гардидаанд.