Натиҷаи баланди машғулиятҳои сафарбарӣ
Душанбе, 29.08.2014. (АМИТ «Ховар», Лайло Тоирӣ).- Ҳамасола Ситоди генералии Қувваҳои Мусаллаҳ баҳри баланд бардоштани сатҳи омодабошии ҷангии шаҳрвандони дар эҳтиёт қарор доштаи шаҳру ноҳияҳои гуногуни ҷумҳурӣ машғулиятҳои амалии саҳроӣ ташкил мекунад.
Ин навбат ин машғулиятҳо бо ҷалби шаҳрвандони дар эҳтиёт қарор доштаи ноҳияи Варзоб гузаронида шуд, ки дар он беш аз 400 нафар аз ҷамоату деҳоти ноҳия иштирок карданд. Афсарони Раёсатҳои дахлдори Вазорати мудофиа ва Комиссариати ҳарбӣ ба шаҳрвандони дар эҳтиёт будаи ин ноҳия, ки бори нахуст ба ин ҷамъомад ҷалб гардиданд, тарзи ба қисмҳо ҷудо намудану насб кардани яроқҳои оташфишон, нишон гирифтану тир кушодан ва усулҳои истифодаи онро дар шароити дашту кӯҳсор омӯзониданд.
Ба иттилои хадамоти матбуоти Вазорати мудофиаи Тоҷикистон, иштирокчиёни машғулиятҳои саҳроӣ, аз яроқҳои оташфишони сабуки ҷангӣ истифода карда, ҳадафи ба ҷамъомад пешбинишударо амалӣ намуданд. Бо назардошти он, ки натиҷаи машғулиятҳои саҳроӣ қонеъкунанда буд, масъулини Вазорати мудофиа ба сатҳи дониши аксар иштирокчиёни ҷамъомади омодагии сафарбарӣ баҳои баланд доданд.
«ТОҶИКИСТОН — ВАТАНИ АЗИЗИ МАН». Моҳи апрел даври якуми озмуни ҷумҳуриявӣ оғоз меёбад
КИШТИ БАҲОРӢ. Маъсар зироати пурқимати равғандеҳ маҳсуб мешавад
ГУЛБАСТ — МАТОЕ БО САНЪАТИ НОДИР. Он воқеан ҳам либоси зебо ва миллӣ аст
«Ҳар як давлат, сарфи назар аз сатҳи рушди иқтисодӣ бояд дар ҳифзи криосфера саҳми фаъол гузорад», — бардошт аз конфронс дар Душанбе
21 МАРТ — РӮЗИ БАЙНАЛМИЛАЛИИ ҲИФЗИ ПИРЯҲО. Пиряхҳои Тоҷикистон манбаи бузурги оби дарёҳои Осиёи Марказӣ ба шумор мераванд
Имрӯз дар Тоҷикистон ҳавои тағйирёбанда пешгӯӣ мешавад
«ҲАМАҶО АНҶУМАНИ НАВРӮЗ АСТ». Аз 21 то 25 март дар шаҳру ноҳияҳои Хатлон барномаҳои идона доир мегарданд
Кордсозӣ чун рамзи маҳорати ҳунармандони тоҷик то имрӯз ҳифз гардидааст
Филмҳо ва шабакаҳои телевизионӣ – бе пардохти иловагӣ ва сарфи трафик
Имрӯз дар Тоҷикистон ҳавои абрнок пешгӯӣ мешавад
Наврӯз рамзи эҳёи табиат, фарҳанги миллӣ ва неруи созанда дар таҳкими сулҳи ҷаҳонӣ аст
Имрӯз дар Тоҷикистон ҳавои тағйирёбандаи бебориш пешгӯӣ мешавад
