Обҳои «Шаҳристон» дар Шаҳристон

Душанбе, 25.08.2014. (АМИТ “Ховар”, Ситораи Боймурод).- Дар арафаи иди Истиқлолияти давлатии Ҷумҳурии Тоҷикистон дар ноҳияи Шаҳристон коргоҳи истеҳсоли оби нӯшокии тоза бо номи «Шаҳристон» ба фаъолият оғоз кард.
 
Тавре ки дар ин бора Хадамоти матбуоти раиси вилояти Суғд хабар додааст, ин коргоҳ аз ҷониби ҶДММ «Боғистон» бунёд ёфта, дар он дар як шабонарӯз 1,5 тонна оби тозаи нӯшокӣ истеҳсол мешавад. Дар айни ҳол маҳсулоти коргоҳ дар бозорҳои ноҳияи Шаҳристону шаҳрҳои Хуҷанду Истаравшан ба фурӯш бароварда шудааст.