Ободкориҳо дар Турсунзода

Турсунзода, 6.08.2014. (АМИТ «Ховар», Ҳотами Шариф).- Дар дохили шаҳри Турсунзода 2 километру 600 метр роҳ таъмиру тармим гардид. Тибқи нақша то охири соли ҷорӣ беш аз 40 километр роҳҳои дохили хоҷагӣ таъмир ва пурра мумфарш хоҳад шуд. Ибтикори раиси шаҳри Турсунзода Бобоалӣ Табарзода барои ободонии шаҳр дар байни соҳибкорон ҳамовозии гарму ҷӯшон ёфт. То имрӯз ба суратҳисоби махсуси ободонии шаҳр беш аз 700 ҳазор сомонӣ маблағ ворид гардид. Маблағи мазкур дар таъмиру тармими роҳҳо, таъмири биноҳо, зебо гардонидани гулгаштҳои шаҳр, ёрӣ ба ятимону дармондагон, оилаҳои камбизоат, харидани таҷҳизоти тиббиву технологияи информатсионӣ масраф мешавад.