Омодагӣ ҷиҳати баргузории Рӯзҳои шаҳри соҳили Нева
Душанбе, 26.08.2014.(АМИТ «Ховар», Марзия Саидзода).- Дар рӯзҳои таҷлили ҷашни 90-солагии Душанбе дар пойтахт Рӯзҳои шаҳри Санкт-Петербурги Русия, ки бо Душанбе пайванди бародаршаҳрӣ дорад, баргузор мегарданд. Дар робита ба ин, масоили марбут ба ҷузъиёти барномаи баргузории Рӯзҳои Санкт-Петербург дар пойтахт зимни мулоқоти Маҳмадсаид Убайдуллоев-раиси шаҳри Душанбе бо ҳайати гурӯҳи кории Санкт-Петербург таҳти роҳбарии Дмитрий Черненко — раиси кумита оид ба меҳнат ва шуғли аҳолии Санкт-Петербург дар Душанбе матраҳ гардид. М. Убайдуллоев зикр кард, ки баргузории Рӯзҳои Санкт-Петербург дар Душанбе, ки дар доираи тантанаҳои ҷашни 90-солагии пойтахт рост меояд, дар муносибатҳои бародаршаҳрӣ ва таҳкими робитаҳои ҳасанаи ду шаҳри бародар нақши муассир мегузорад. Дар мулоқот ҳамзамон масъалаҳои марбут ба ҳамкории ду бародаршаҳр -Душанбе ва Санкт Петербург дар башҳои ҳифзи ҳуқуқи муҳоҷирони меҳнатӣ, иқтисоду тиҷорат, сармоягузорӣ, тандурустӣ, маориф, фарҳанг, омӯзиши забони русӣ баррасӣ гардиданд. Дар фарҷом доир ба баргузории Рӯзҳои шаҳри соҳили Нева дар Душанбе гурӯҳҳои корӣ созмон дода шуданд. 9.11.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






