Пирӯзии шатранҷбозони тоҷик
Душанбе, 6.08.2014. (АМИТ «Ховар», Ситораи Боймурод). Шатранҷбозони тоҷик дар даври севвуми Олимпиадаи 41-уми ҷаҳонии шоҳмот дар шаҳри Тромсои Норвегия бар дастаҳои Ямайка ва Черногория пирӯз шуданд.Тавре ки дар ин бора Кумитаи олимпии кишвар хабар додааст, дар Олимпиадаи 41-уми ҷаҳонии шоҳмот, ки дар Тромсои Норвегия бо ширкати 177 дастаи мардона ва 136 дастаи занона ҷараён дорад, даври севвуми мусобиқот ба анҷом расид. Дар сабқати мардон шатранҷбозони тоҷик дар даври севвум бар дастаи Ямайка ғолиб омадаанд. Дар сабқати занон мунтахаби Тоҷикистон дар даври севвум дастаи Черногорияро шикаст дод. Дар даври чорум дастаи мардонаи Тоҷикистон бо дастаи Индонезия ва шатранҷбозони тоҷик бо дастаи Юнон рақобат мекунанд. Гуфта мешавад, ки баъди натиҷагирии се даври мусобиқа дар сабқати мардон дастаҳои Фаронса, Сербия, Русия, Узбекистон ва Ҳолланд, ки 3-имтиёзӣ доранд, пешсафанд. Дастаи мардонаи Тоҷикистон бо 2 имтиёз дар ҷойи 63-юм қарор дорад. Дар сабқати занон мунтахаби Эрон пешқадам аст. Дар зинаҳои баъдӣ дастаҳои Чин, Арманистон, Русия ва Индонезия ҷойгир шудаанд. Дастаи занонаи Тоҷикистон дар ҷойи 54-ум мебошад. Олимпиадаи ҷаҳонии шоҳмот дар Норвегия то рӯзи 14-уми августи соли равон идома хоҳад ёфт.
Имрӯз дар Тоҷикистон ҳаво абрнок шуда, борон меборад
«ТОҶИКИСТОН — ВАТАНИ АЗИЗИ МАН». Моҳи апрел даври якуми озмуни ҷумҳуриявӣ оғоз меёбад
КИШТИ БАҲОРӢ. Маъсар зироати пурқимати равғандеҳ маҳсуб мешавад
ГУЛБАСТ — МАТОЕ БО САНЪАТИ НОДИР. Он воқеан ҳам либоси зебо ва миллӣ аст
«Ҳар як давлат, сарфи назар аз сатҳи рушди иқтисодӣ бояд дар ҳифзи криосфера саҳми фаъол гузорад», — бардошт аз конфронс дар Душанбе
21 МАРТ — РӮЗИ БАЙНАЛМИЛАЛИИ ҲИФЗИ ПИРЯҲО. Пиряхҳои Тоҷикистон манбаи бузурги оби дарёҳои Осиёи Марказӣ ба шумор мераванд
Имрӯз дар Тоҷикистон ҳавои тағйирёбанда пешгӯӣ мешавад
«ҲАМАҶО АНҶУМАНИ НАВРӮЗ АСТ». Аз 21 то 25 март дар шаҳру ноҳияҳои Хатлон барномаҳои идона доир мегарданд
Кордсозӣ чун рамзи маҳорати ҳунармандони тоҷик то имрӯз ҳифз гардидааст
Филмҳо ва шабакаҳои телевизионӣ – бе пардохти иловагӣ ва сарфи трафик
Имрӯз дар Тоҷикистон ҳавои абрнок пешгӯӣ мешавад
Наврӯз рамзи эҳёи табиат, фарҳанги миллӣ ва неруи созанда дар таҳкими сулҳи ҷаҳонӣ аст
