Рушди соҳаи маориф дар Шӯрообод

Шӯрообод, 1.08.2014. (АМИТ «Ховар», Сулаймон Холов).- Рушди соҳаи маориф омили асосии баланд бардоштани сатҳи маънавиёти мардум буда, барои дар руҳияи баланди меҳандӯстию хештаншиносӣ тарбия ва ба камол расонидани фарзандони мардум масъулияти баландро бар дӯш дорад. Боиси зикр аст, ки дар даврони соҳибистиқлолӣ ва ваҳдати комили мамлакат дар ноҳияи Шӯрообод соҳаи мазкур ба пешравиҳои назаррас ноил гардида, барои илмомӯзии хонандагон тамоми шароиту имкониятҳои дарсомузӣ фароҳам оварда шудааст, ки ин аз манфиат холӣ нест. Дар тобеияти шуъбаи маорифи мақомоти иҷроияи ҳокимияти давлатии ноҳияи Шурообод 52-муассисаҳои таълимӣ, 2-муассисаи то- мактабӣ амал менамоянд, ки устодону мураббиёни варзидаи соҳа ба шогирдон таълиму тадрис медиҳанд. Муассисаи томактабии рақами 1-и ба номи «Умедчон»-и ноҳияи Шӯрообод зодаи соҳибистиқлолии мамлакат буда, дар он айни замон 40-нафар кӯдакони аз 2 то 7-сола ба таълим фаро гирифта шудаанд, ки ба онҳо 4-мураббиёни мушфиқу меҳрубон дар руҳияи ватандӯстӣ ба тарбия машғуланд.