Сӯхтор аз сабаби истифодаи нодурусти таҷҳизоти газӣ
Душанбе, 22.08.2014. (АМИТ «Ховар», Муқаддас Темурзода). -Дирӯз тахминан соати 01:00-дақиқа дар ҳавлии истиқоматии шаҳрванд Сулаймонов Абдуҷаббор Мутталибович, соли таваллудаш 1961, сокини деҳаи Сарои ноҳияи Ашт, дар масоҳати 160-метри мураббаъ сӯхтор ба амал омад.
ВКД ҶТ хабар медиҳад, ки сабаби сар задани сӯхтор нодуруст истифода бурдани таҷҳизоти газӣ мебошад. Зарари расонидашуда 19 ҳазор сомониро ташкил медиҳад.
Тибқи иттилои ВКД ҶТ, дар нимсолаи соли ҷорӣ аз ҷониби кормандони милитсия дар кишвар 599 ҳодисаи сӯхтор ба қайд гирифта шудааст.