Садамаҳои марговар

Душанбе, 30.08.2014. (АМИТ «Ховар»).- Рӯзи 28 августи соли ҷорӣ соати 18:30-дақиқа, ронандаи мототсикли тамғаи “Урал”, рақами давлатиаш 16-07 ГБА, Ҳасанов Машраб Зардакович, соли таваллудаш 1948, сокини деҳаи Чухаки ҷамоати деҳоти Сағирдашти ноҳияи Дарвоз аз уҳдаи идора кардани воситаи нақлиёт набаромада, ба тарафи рост чаппа шуда, дар ҷойи ҳодиса ба ҳалокат расидааст.
Ҳамчунин рӯзи 29 августи соли ҷорӣ соати 10:50-дақиқа ронандаи мошини тамғаи “ЗИЛ-43410”, рақами давлатиаш 65-72 АВ 08, Асоев Фатҳуддин Маҳмадрасулович, соли таваллудаш 1965, сокини деҳаи Зафаробод ҳангоми ҳаракат аз самти кӯчаи Ғалаба ба самти кӯчаи Рӯдакии ш.Ваҳдат аз уҳдаи идора кардани воситаи нақлиёт набаромада, велосипедрони ноболиғ Раҳматов Додарбек соли таваллудаш 2001, сокини кӯчаи Ғалабаи шаҳри Ваҳдатро пахш намудааст. Дар натиҷа ноболиғ ҷароҳати вазнини ҷисмонӣ бардошта, дар беморхона ба ҳалокат расидааст.
Тафтиши ҳодисаҳои мазкур идома дорад.