Семинари ҷумҳуриявӣ дар Панҷакент
Панҷакент, 30.08.2014. (АМИТ «Ховар», Гулбаҳори Худойбердӣ).-Дар пойгоҳи сайёҳии Артучи шаҳри Панҷакент бо иштироки мутахассисони соҳаи байтории мамлакат оид ба амнияти озуқавории кишвар семинари илмию амалии ҷумҳуриявӣ баргузор шуд. Раиси шаҳри Панҷакент Хисрави Абдуназар иштирокчиёни семинарро ба диёри устод Абӯабдуллоҳи Рӯдакӣ хайра мақдам гуфта, изҳор дошт, ки амнияти озуқавории кишвар яке аз муҳимтарин ҳадафҳои стратегии Ҳукумати Ҷумҳурии Тоҷикистон ба шумор меравад ва барои расидан ба ин ҳадаф истеҳсолоти соҳаи кишоварзӣ, бахусус соҳаи чорводориро рушд додан зарур аст. Зимни баррасии масоили амнияти озуқавории кишвар, роҳҳои пешрафту босамар гардонидани соҳаи чорводорӣ ва мушкилоти ҷойдошта академикҳои Академияи илмҳои кишоварзии Тоҷикистон Ибодулло Сатторӣ, Мулло Амирбеков, номзадҳои илм Шералӣ Воҳидов, Ризвонов, Ш. Турдиев, С. Мурватиллоев, А. Маҳмашоев, О. Зиёев, Д. Ваҳҳобов, М. Мирзоаҳмадов андешаҳояшонро баён доштанд. Тавсияҳои олимон дар бораи усулҳои табобат ва пешгирии бемориҳои сироятии чорво, аз қабили вабои сумдард, сӯхтанӣ, ҳорӣ ва дигар бемориҳои чорво хеле ҷолиб буданд.
Пагоҳ дар якчанд вазорату идораҳо нишастҳои матбуотӣ баргузор мегарданд
Имрӯз дар ноҳияҳои алоҳидаи Тоҷикистон туман мефарояд
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
