Шартномаи дуҷониба бо Федератсияи Россия

Душанбе, 7.08.2014. (АМИТ «Ховар», Суғдмеҳри Маъруфзод).-Агентии бо кор таъминкунӣ дар хориҷаи назди Вазорати меҳнат, муҳоҷират ва шуғли аҳолии Ҷумҳурии Тоҷикистон ҷиҳати паст намудани шиддати бекорӣ дар бозори меҳнат тадбирҳои зарурӣ меандешад.Бо ин мақсад директори Агентии бо кор таъминкунӣ дар хориҷа Ҳомид Толибов аз шаҳри Хоруғ, минтақаҳои поёнии вилоят дидан намуда, бо сокинон, бахусус бо ҷавонон сўҳбату мулоқотҳои судмандро анҷом дод.Зикр шуд, ки Агентии бо кор таъминкунӣ бо як қатор ширкатҳои вилояти Липетски Федератсияи Русия  ва Ҷумҳурии Қазоқистон бобати таъмини шаҳрвандони Ҷумҳурии Тоҷикистон бо ҷой кор шартномаи ду ҷониба ба имзо расонид.Мутобиқи созишномаҳои тарафайн ширкатҳои бурунмарзӣ муҳоҷирони тоҷикро натанҳо бо кор, маоши хуб, ҷой хоб пурра таъмин менамоянд, балки ҳуқуку манфиатҳои онҳоро низ зери ҳимоя қарор медиҳанд.Бо ибтикори Агентӣ дар марҳилаи аввал 50- нафар хоҳишмандон ҷавонони бешуғл аз шаҳри Хоруғ бо ҷой кор таъмин карда мешаванд. Дар марҳилаи навбатӣ шумораи бештари хоҳишмандон аз ВМКБ барои фаъолияти минбаъда ба вилоятҳои дигари Федератсияи Русия сафарбар карда мешаванд.Абдуллохи Кодири- сухангуи Хадамоти мухоҷират.