Тарғиби дору – таҳти назорат

Душанбе, 27.08.2014. (АМИТ «Ховар», Елена  Батенкова). – Хадамоти  назорати  давлатии  фаъолияти  дорусозии  ҶТ  кори зиёдеро  байни  аҳолӣ  анҷом  медиҳад.  Имрӯз  ҳамаи дорухонаҳои  шаҳр  дар  бораи  ҳуқуқи  истеъмолкунандагон маълумотномаҳо  доранд. 
Ба  гуфтаи  муовини  роҳбари  хадамоти  мазкур  Маҳмадалӣ  Давлатов, фиттаҳо  дар  бораи  истифодаи  дурусти  дору тавассути  телевизион  ва радио   намоиш  дода  ва  шунавонида  мешаванд. 
Алҳол  ба  ҷумҳурӣ  дорувории  мухталиф  ворид  гардида,  усулҳои  истифодаи онҳо  ба таври  васеъ  тарғиб  мешаванд. Мувофиқи  суханони  муовини роҳбари  хадамоти  мазкур,  тибқи  қонунҳои нав дар  бораи  фаъолияти  дорусозӣ  ҳамаи  маводи  дорои  хусусияти тарғиботӣ  бояд иҷозатномаи  махсус  дошта бошанд,  зеро   мазмуни  маводи  тарғиботӣ  на  ҳамеша  ба  хусусияти  дорувор  мувофиқат  мекунад.